Ang Leche Flan na paboritong panghimagas ng mga Pinoy lalo na sa handaan ay pinaniniwalaang nagmula pa sa panahon ng mga kastila. Ang salitang leche ay gatas ang ibig sabihin sa kastila at ang flan naman ay nangangahulugan ng malinamnam at matamis na pangpuno.
Ayon sa mga historyador, ginagamit noong panahon ng mga kastila ang puti ng itlog bilang materyales sa pagtayo ng mga simbahan; dahil doon nabuo ang teoryang ang mga pula ng mga itlog na iyon ang ginamit upang malikha ng ating mga ninuno ang leche flan.
Mga pula ng itlog ang pangunahing sangkap ng leche flan, kasama ang gatas at pinalapot na pulang asukal. Noong panahon ng ating mga ninuno, pinaniniwalang gatas ng kalabaw ang hinahalo dito.
Walang komento:
Mag-post ng isang Komento